Ang Digital Batang Pinoy » Panuntunan Sa Teknolohiya http://digitalbatangpinoy.icafepilipinas.org Wastong Gamit Ng Makabagong Teknolohiya Fri, 19 Mar 2010 15:08:13 +0000 http://wordpress.org/?v=2.9.1 en hourly 1 Ang Nararapat Na Paggamit Ng Email http://digitalbatangpinoy.icafepilipinas.org/2010/03/10/ang-nararapat-na-paggamit-ng-email/ http://digitalbatangpinoy.icafepilipinas.org/2010/03/10/ang-nararapat-na-paggamit-ng-email/#comments Tue, 09 Mar 2010 18:02:09 +0000 digiboy http://digitalbatangpinoy.icafepilipinas.org/?p=18 Ang email ay isang pamamaraan ng pagpapadala ng nakasulat na mensahe sa isang tao na nasa malapit man o malayong lugar sa pamamagitan ng paggamit ng internet. Ito ay maihahalintulad natin sa isang liham noong nakakaraang panahon na pinapadala sa tirahan o lugar ng negosyo ng isang tao sa pamamagitan ng koreo. Ang pagkakaiba nga lang ngayon ay hindi na nangangailangang gumamit ng ballpen, papel, at sobre. Hindi na rin kailangan nating pumunta pa sa post office para ito ay ihulog at makarating sa taong iyong pinadalhan. Sa pamamagitan lamang ng inyong computer o cell phone na may koneksyon sa internet ay maari na ninyong padala ang inyong mensahe sa kanila. Kinakailangan nyo lang malaman ang kanilang “email address” na magsasabi kung saang computer sa internet padadala ang inyong mensahe. Tulad rin ng isang liham ay maari kayo ring maglakip ng mga litrato, dokumento, video at mga applikasyon sa loob ng inyong mensahe na kung tawagin ay attachment.

Ano-ano ba ang mga bagay-bagay na dapat nating malaman sa wastong paggamit ng email upang epektibong masabi natin ang ating gustong sabihin:

  • Ituring ang email na isang gamit na malaki ang maitutulong sa atin sa pang araw-araw nating pangangailangan sa komunikasyon. Hindi ito isang laruan na maari nating abusuhin.
  • Huwag ipagsabi o laging palitan ang ginagamit ninyong password sa inyong email account upang ito ay hindi magamit ng ibang tao sa kanilang panloloko.
  • Huwag gumamit ng malalaking titik sa kabuuan ng ating mensahe dahil ito ay nagpapahiwatig na tayo ay sumisigaw.
  • Magbigay pugay sa simula ng inyong email sa iyong pinadadalhan.
  • Huwag sasagutin ang mga email mula sa mga taong hindi mo kilala lalo na kung ito ay nanghihingi ng iyong personal na pagkakakilanlan. Maari nila itong gamitin upang makapanloko ng ibang tao o mailagay ka sa alanganin.
  • Gamitin lamang ang email sa mga mahahalagang bagay. Iwasang magforward ng chain email na iyong natanggap mula sa iyong mga kaibigan o mga taong hindi mo kilala. Ito ang magiging sanhi sa pagkakuha ng iyong email address ng mga taong nagnanais manloko.
  • Huwag bubuksan ang mga attachment lalo na kung ito ay magmumula sa taong hindi mo kakilala. Maari itong maging sanhi na magkaroon ng computer virus ang iyong computer na maaring ikasira nito.
  • Gumamit ng tamang spelling, grammar at punctuation sa inyong mensahe. Huwag gagamit ng text speak o mga pina-ikling mga salata dahil baka hindi ito maintindihan ng taong iyong pinadalhan.

  • Isipin munang mabuti ang gusto mong sabihin sa taong iyong padadalhan ng mensahe. Pag ito ay napadala mo na ay hindi na ito muling mababawi pa.

]]> http://digitalbatangpinoy.icafepilipinas.org/2010/03/10/ang-nararapat-na-paggamit-ng-email/feed/ 0 Gabay Sa Paggamit ng Makabagong Teknolohiya http://digitalbatangpinoy.icafepilipinas.org/2010/02/25/gabay-sa-paggamit-ng-makabagong-teknolohiya/ http://digitalbatangpinoy.icafepilipinas.org/2010/02/25/gabay-sa-paggamit-ng-makabagong-teknolohiya/#comments Wed, 24 Feb 2010 16:55:21 +0000 digiboy http://digitalbatangpinoy.icafepilipinas.org/?p=11 Lubhang masuwerte ang kabataan sa ngayon dahil marami na silang pagkukuhanan ng impormasyon di tulad noong unang panahon. Ngayon miski sa loob lamang ng kanilang mga silid ay maari na nilang makuha ang impormasyon o makisalimuha sa maraming tao gamit lamang ang kanilang computer at internet. Kaya hindi nakakapagtaka na ang kabataan ngayon ay kabataan na ng mundo dahil sa lawak ng kanilang nararating gamit lamang ang internet at ang kanilang computer.

Ngunit sa kanilang paggamit ng makabagong teknolohiya na ito ay maraming maaring mangyari. Malaking responsibilidad ang naka atang sa kanilang mga balikat na kung hindi sila lubhang mag-iingat ay maari silang mailagay sa kapahamakan. Kaya sa kanilang pang araw-araw na paggamit ng makabagong teknolohiyang ito dapat nilang maisapuso ang mga sumusunod:

  1. Isipin mo muna bago ka magpost – dapat maintindihan ng kabataan na kung ano man ang kanilang ilalagay sa internet ay hindi na nila ito mababawi at maaring magkaroon ng problema sa hinaharap. Ang paglalagay ng litroto at pagsusulat ng mga ibat ibang bagay na ilalagay sa internet ay may kasamang malaking responsibilidad dahil ito ay makakaapekto sa pagkilala at sa pagkatao ng gumagawa nito.
  2. Huwag magbigay o maglagay ng personal na impormasyon sa mga websites o sa mga taong hindi mo kakilala – maaring magamit ng mga taong masama ang hangarin upang makapanloko o malaman ang iyong kinaroronan upang biktimahin ka.
  3. Mag ingat sa mga taong iyong makikilala gamit ang makabagong teknolohiya – marami sa kabataan ay may mga kaibigan na hindi pa nila nakikita ng personal dahil ang mga ito ay nakilala lamang nila sa paggamit ng internet at pakikipag textmate. May posibilidad na nagpapanggap ang mga taong ito upang makuha ang iyong tiwala at maari ka nilang pagtangkaan ng masama.
  4. Higit sa lahat tumangging makipagkita sa mga taong hindi mo kilala – ang hilig hilig ng mga kabataan natin ngayon makipag “eyeball” sa mga taong nakilala lang nila gamit ang internet o cellphone. Kung hindi mo naman talaga kilala ang taong iyong makaka “eyeball” mas maigi na huwag mo na lang ituloy ito para ikaw ay hindi mapahamak.

]]> http://digitalbatangpinoy.icafepilipinas.org/2010/02/25/gabay-sa-paggamit-ng-makabagong-teknolohiya/feed/ 0